Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Іран на 25% падняў цэны на бензін 15:13, 23/05/2007
У Іране цэны на бензін павысіліся на 25 адсоткаў, паведамляе AFP. Хоць 21 траўня ўрад абяцаў, што кошт бензіну застанецца на ранейшым узроўні, цяпер яго літр каштуе 1000 рыалаў (дзесяць цэнтаў) супраць учорашніх 800 рыалаў (восем цэнтаў).
Падвышэнне цэнаў на паліва з`яўляецца першым крокам па рэалізацыі дзяржаўнага плану па паніжэнні памеру дзяржаўных субсідый на бензін. Мяркуюць, што будуць усталяваныя некаторыя квоты на яго спажыванне. Пры гэтым цана бензіну, які выкарыстоўваецца звыш квоты, узрасце да 1400 рыалаў (14 цэнтаў) за літр. Падрабязнасці плану будуць абвешчаныя 7 чэрвеня.
Празмерны выдатак бензіну іранскімі кіроўцамі прымушае другога па велічыні пастаўшчыка нафты ў АПЕК штогод здзяйсняць мільярдныя пастаўкі дадатковага паліва. Летась гэтая сума перавысіла чатыры мільярды даляраў.
У выніку сённяшняга гандлю ў Нью-Ёрку кошт барэля нафты вырас на 1,33 даляра і склаў 66,27 даляры. Гэта самая высокая цана з 27 красавіка. На Лонданскай міжкантынентальнай біржы ICE кошт нафты павялічыўся на 1,07 даляра, дасягнуўшы 70,46 даляра.
