Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі службоўцы не маюць ніякіх адмысловых ільгот. Пра гэта сёння журналістам у Менску заявіла намесніца кіраўніка Адміністрацыі Прэзідэнта Рэспублікі Беларусь Наталля Пяткевіч.
Паводле яе, падчас падрыхтоўкі законапраекта аб упарадкаванні ільгот да разгляду ў Авальнай зале некаторыя прадстаўнікі грамадскіх арганізацый выказвалі меркаванне, што пачаць парадкаваць ільготы службоўцы павінны ў першую чаргу з сябе. "З увядзеннем інстытута прэзідэнцтва яшчэ ў 1994 годзе ўсё было скасаванае. Сёння ў службоўцаў няма ніякіх ільгот, спецабслугоўвання", – сказала Наталля Пяткевіч.
У прыватнасці, яна адзначыла, што службоўцы будуюць сабе жыллё на агульных падставах і не маюць права на льготныя крэдыты, калі не належаць да нейкай катэгорыі насельніцтва, якая мае на гэта права.
"Спекуляцыя на гэтай тэме цалкам недарэчная", –падкрэсліла намесніца кіраўніка Адміністрацыі прэзідэнта.
