Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Законапраект аб амністыі будзе разгледжаны ў самы блізкі час 14:18, 25/05/2007
Законапраект аб амністыі будзе накіраваны ў парламент у самы блізкі час. Пра гэта паведаміў міністр унутраных спраў Беларусі Уладзімір Навумаў 25 траўня, адказваючы на пытанні “парламентараў” на сумесным паседжанні абедзвюх палат Нацыянальнага сходу.
"Не ўсё пагадзіліся з катэгорыямі грамадзян, якія падпадуць пад амністыю. На ўрэгуляванне гэтага пытання пайшло некалькі месяцаў", – адзначыў У.Навумаў. Па яго словах, цяпер законапраект знаходзіцца на разглядзе ў Адміністрацыі прэзідэнта. Чакаецца, што на працягу двух–трох тыдняў ён будзе канчаткова ўзгоднены і накіраваны ў парламент.
У.Навумаў паведаміў, што амністыя кране ўсіх грамадзян, якія здзейснілі нескладаныя злачынствы і па неасцярожнасці.
