Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кангрэс дэмакратычных сілаў пройдзе 26-27 траўня 15:49, 25/05/2007
Кангрэс дэмакратычных сілаў Беларусі адбудзецца 26-27 траўня ў Палацы культуры Менскага аўтазаводу. У сьпісе дэлегатаў Кангрэсу – 916 чалавек. Сярод іх абраныя на сходах актывісты, удзельнікі выбарчых кампаній і 22 вядомыя асобы -- Уладзімер Арлоў, Рыгор Барадулін, Ніл Гілевіч, Радзім Гарэцкі ды іншыя. Больш за сто чалавек маюць статус запрошаных. Інтрыгу мерапрыемству надасьць прысутнасьць на кангрэсе лідэраў "Еўрапейскай кааліцыі", былых палітвязьняў Міколы Статкевіча і Паўла Севярынца.
На Кангрэс запрошаныя прадстаўнікі ўсіх амбасадаў і міжнародных арганізацый, акрэдытаваных у Беларусі. Прыяжджаюць прадстаўнікі швэдзкага парлямэнту, дэпутат расейскай Дзяржаўнай думы Уладзімер Рыжкоў і старшыня саюзу правых сілаў Мікіта Бялых.
Згодна з рашэньнем дэлегатаў рэгіянальных канфэрэнцыяў дэмакратычную кааліцыю ачоляць сустаршыні. Сёньняшні старшыня Палітрады дэмакратычных сілаў Аляксандар Мілінкевіч выступіць на Кангрэсе, але вырашыў не вылучацца ў сустаршыні.
