Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дырэктарскаму корпусу дададуць сацыяльных гарантый 12:09, 25/05/2007
Першы віцэ-прэм`ер урада Беларусі Уладзімір Сямашка лічыць, што сацыяльныя гарантыі дырэктарскаму корпусу "відавочна недастатковыя". "Я як былы дырэктар прадпрыемства лічу абсалютнай несправядлівасцю наяўнае дачыненне да дырэктарскага корпуса", – заявіў У.Сямашка падчас справаздачы ўрада парламента ў пятніцу ў Менску.
"Пасля сходу на пенсію дырэктары прыраўноўваюцца да таго, хто не вельмі напружваецца", -- лічыць ён.
У.Сямашка падкрэсліў, што ў Беларусі маецца адчувальны дэфіцыт кваліфікаваных кіраўнікоў прадпрыемстваў. У прыватнасці, "для Беларускай нафтавай кампаніі мы з вялізнай цяжкасцю падшукваем дырэктара", адзначыў першы віцэ-прэм`ер.
Між іншым ён нагадаў, што нядаўна быў павялічаны да 4,5 павышаючы каэфіцыент для кіраўнікоў прадпрыемстваў. У прыватнасці, у выніку, зарплата дырэктара БМЗ складае каля $3 тыс. у месяц, паведаміў першы віцэ-прэм`ер. Па словах У.Сямашкі, цяпер урад разглядае магчымасць павелічэння гэтага каэфіцыента да 5,5.
У.Сямашка заявіў, што "я зраблю даручэнне Мінпрацы па разглядзе магчымасці павелічэння сацыяльных гарантый для дырэктарскага корпуса, і ў верасні мы гэтыя прапановы сфармулюем для разгляду кіраўніком дзяржавы".
