Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка: «Нам патрэбныя не абы якія людзі, а здаровыя славяне» 15:09, 25/05/2007
Аляксандр Лукашэнка лічыць, што пытанні ўмацавання генафонду нацыі і рашэнне дэмаграфічнай бяспекі наўпрост звязаныя з поспехамі беларускай дзяржавы ў спорце.
"Поспехі ў спорце – гэта не толькі прэстыж краіны, але і рашэнне праблем абароназдольнасці, дэмаграфічнай бяспекі, умацавання генафонду нацыі", – заявіў А.Лукашэнка ў пятніцу ў Берасці на цырымоніі адкрыцця Цэнтра алімпійскай падрыхтоўкі па вяслярным відам спорту, паведамляе “Інтэрфакс”.
"Як я ўжо казаў, нам вельмі патрэбныя людзі. Але нам вельмі патрэбныя не абы якія людзі, а здаровыя людзі, здаровыя славяне-беларусы", – падкрэсліў беларускі прэзідэнт.
А.Лукашэнка сказаў, што "не выпадкова спорт называюць паслом міру". "Ён аб`ядноўвае і натхняе людзей добрай волі самых розных перакананняў і веравызнанняў у сваім імкненні да дасканаласці і гармоніі", – заявіў А.Лукашэнка.
Ён выказаў упэўненасць у тым, што ўвядзенне ў эксплуатацыю вяслярнага канала і стварэнне на яго базе Цэнтра Алімпійскага рэзерву "дасць новы імпульс развіццю і папулярызацыі вяслярных відаў спорту". "Перакананы, што лёгкая вада гэтага канала прынясе поспех на летніх Алімпійскіх гульнях 2008 года ў Пекіне", – заявіў кіраўнік Беларусі.
