Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка мусіць прыняць новую канцэпцыю энергабяспекі 11:28, 25/05/2007
Новая канцэпцыя энергетычнай бяспекі і новая праграма развіцця энергетыкі будуць прынятыя ў краіне неўзабаве, заявіў у пятніцу ў Менску, выступаючы перад дэпутатамі парламента, першы віцэ-прэм`ер Уладзімір Сямашка.
"Канцэпцыя энергетычнай бяспекі ляжыць на стале ў прэзідэнта, і неўзабаве будзе прынятая", – сказаў У.Сямашка.
Па яго ацэнках, у ліпені–жніўні ў рэспубліцы будзе таксама прынятая новая праграма развіцця энергетыкі і дыверсіфікавання энергапаставак. "Мы змушаныя былі перагледзець канцэпцыю энергетычнай бяспекі, з прычыны пераходу Расеі на прынцып роўнапрыбытковасці", – сказаў першы віцэ-прэм`ер
На рэалізацыю канцэпцыі энергабяспекі, па словах У.Сямашкі, запатрабуецца $34 млрд, з іх $19 млрд – на вялікую энергетыку, $13 млрд – на энергаэфектыўнасць, энергазахаванне, астатнія – на дыверсіфікаванне паставак энергарэсурсаў, паведамляе “Інтэрфакс”.
