Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Моладзь наўмысна выклікаюць у панядзелак у пракуратуру 09:57, 25/05/2007
Актывістку незарэгістраванай арганізацыі “Малады фронт” Насту Азарку выклікаюць на допыт у Менскую абласную пракуратуру.
У пазове пазначана, што 28 траўня яе будуць дапытваць у якасьці сьведкі. Наста Азарка фігуруе ў новай крымінальнай справе, распачатай КДБ супраць рэгіянальных актывістаў “Маладога фронту” за ўдзел у незарэгістраванай арганізацыі.
Павал Севярынец не выключае, што выклікі ў пракуратуру на панядзелак могуць атрымаць яшчэ некалькі актывістаў арганізацыі. Ён мяркуе, што такім чынам улады разьлічваюць запалохаць моладзь і паменшыць колькасьць людзей каля будынку суду Савецкага раёну Менску, калі пачнецца суд над маладафронтаўцамі.
