Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Маладому фронту» адмовілі ў рэгістрацыі 14:53, 25/05/2007
Упраўленьне юстыцыі Менгарвыканкаму адмовіла дзяржаўнай рэгістрацыі моладзевай арганізацыі “Малады Фронт”, спаслаўшыся на неадпаведнасьці ў статуце.
У прыватнасьці на тое, што згодна са статутам, пададзеным на рэгістрацыю, вышэйшым кіраўнічым органам руху зьяўляецца Цэнтральная Рада, а 7 траўня адбывалася паседжаньне ўстаноўчага сходу (як гэта патрабуе заканадаўства), а не Цэнтральнай Рады (фармальна яшчэ не створанай арганізацыі). Актывісты арганізацыі лічаць адмову цалкам незаконнай і ў панядзелак намераны абскардзіць рашэньне.
Заўважна, што рашэньне аб нерэгістрацыі руху было прынятае напярэдадні судовага працэсу над актывістамі “Маладога Фронту”, якіх будуць судзіць менавіта за дзейнасьць ад імя незарэгістраванай арганізацыі. Нагадаем, што судовы працэс над “маладафронтаўцамі” распачнецца 28 траўня ў 10 гадзінаў па адрасе Лагойскі тракт, 3.
