Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Віцебску прайшлі акцыі «За незалежную Беларусь!» 09:56, 28/05/2007
У Віцебску 26 траўня прайшлі мерапрыемствы ў рамках рэспубліканскай грамадска-культурнай акцыі "За незалежную Беларусь!", якую з 19 траўня па 3 ліпеня па ўсёй краіне праводзяць Міністэрства культуры і грамадскае аб`яднанне "Беларускі рэспубліканскі саюз моладзі" (БРСМ).
Як паведамілі БелаПАН у аддзеле ідэалагічнай працы Віцебскага гарвыканкама, у 11 гадзін на пляцоўцы каля культурна-дзелавога цэнтра "Віцебск" пачаўся канцэрт калектываў мастацкай самадзейнасці, працавалі атракцыёны, выстава дзіцячай творчасці і гандлёвыя рады. Для ўдзельнікаў свята былі арганізаваныя рухомыя гульні і конкурсы. Мерапрыемствы пад дэвізам "За незалежную Беларусь!" прайшлі не толькі ў цэнтры, але і ў мікрараёнах горада, а таксама ва ўстановах адукацыі.
У 16 гадзін на вялікай сцэне КДЦ "Віцебск" прайшла акцыя-канцэрт, у якой узялі ўдзел вядомыя беларускія артысты – Іна Афанасьева, Ірына Дарафеева, Ядвіга Паплаўская і Аляксандр Ціхановіч, Мікалай Скорыкаў, Алена Грышанава, Аляксей Хлястоў, Ірына Сапунова і іншыя выканаўцы "Тэатра эстрады" пад кіраўніцтвам Васіля Раінчыка.
Напярэдадні, 25 траўня, такі канцэрт адбыўся на плошчы Свабоды ў Полацку.
