Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БХК лічыць пераслед актывістаў «Маладога Фронта» палітычна матываваным 16:13, 28/05/2007
28 мая ў судзе Савецкага раёна Мінску пачаўся працэс над лідэрамі руху "Малады Фронт". Дзмітрый Федарук, Барыс Гарэцкі, Алег Корбан, Аляксей Янушэўскі і Наста Палажанка абвінавачваюцца па артыкуле 193-1 Крымінальнага кодэкса – дзейнасць ад імя незарэгістраванай арганізацыі. РПГА "Беларускі Хельсінкскі Камітэт" (БХК) лічыць пераслед актывістаў палітычна матываваным.
БХК лічыць, што грамадзянскія ініцыятывы, дзейнасць якіх не парушае правоў іншых грамадзян, пазітыўна уплываюць на развіццё грамадзянскай супольнасці і вырашэнне сацыяльных і іншых праблем грамадства незалежна ад таго, зарэгістраваныя яны альбо не. Прыкладам могуць быць маладзёжныя клубы, дамавыя камітэты, бацькоўскія камітэты ў школах і г.д.
БХК лічыць, што артыкул 193-1 супярэчыць Канстытуцыі Беларусі і парушае законныя правы грамадзян. Заяву з аргументацыяй гэтай высновы БХК перадаў у суд праз адваката маладзёжных актывістаў Паўла Сапелку. Раней гэтая заява была перададзена ў Канстытуцыйны суд.
Раніцай каля будынку суда (Лагойскі тракт, 3) пачалася акцыя пратэсту супраць палітычнага пераследу моладзі (гл. фота).
