Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэпутата ПАРЕ не пусцілі ў Менск 11:44, 28/05/2007
Дэпутату Парламенцкай Асамблеі Рады Еўропы (ПАРЕ) і літоўскага сейма Эмануэлісу Зінгерысу адмоўлена ва ўездзе ў Беларусь для ўдзелу ў Кангрэсе дэмакратычных сілаў (КДС).
На папярэднім КДС, які прайшоў у Менску ў кастрычніку 2005 года, Э.Зінгерыс выступіў з даволі жорсткімі заявамі ў адрас беларускіх улад. Дэпутат ПАРЕ перакананы, што менавіта па гэтай прычыне беларуская амбасада ў Літве адмовіла яму ў выдачы візы без тлумачэння прычын.
"Я быў бы рады, каб мая жонка глядзела на мяне гэтак жа сур`ёзна, як мяне запаважаў Лукашэнка, – сказаў Э.Зінгерыс, каментуючы сітуацыю арганізатарам КДС. – Я думаю, што свет беларускай свабоды, які ствараюць беларускія дэмакраты, пераўзыходзіць тую цемру, якую вырабляе выцвілы рэжым Лукашэнкі". Дэпутат ПАРЕ таксама адзначыў, што "свет прыслухваецца не да беларускага прэзідэнта, а да голасу еўрапейскіх дэмакратаў з Менска".
