Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Станіслаў Шушкевіч: «Суддзя выглядае напалоханым» 13:32, 28/05/2007
З залы суду Савецкага раёна Менска выйшаў былы старшыня Вярхоўнага Савета Беларусі Станіслаў Шушкевіч. Працэс пакуль працягваецца, хоць яшчэ ў 13.00 павінен быў быць абвешчаны перапынак. Станіслаў Шушкевіч паведаміў журналістам, што ў зале суду добра чуваць, як сотні людзей скандуюць на вуліцы каля суду “Свабоду!”. Падсудныя “маладафронтаўцы” трымаюцца ўпэўнена, а вось суддзя Руслан Аніскевіч і яго памочнікі – наадварот, выглядаюць вельмі напалоханымі, паведаміў палітык.
Крымінальная справа супраць Змітра Хведарука, Барыса Гарэцкага, Алега Корбана, Аляксея Янушэўскага, і Насты Палажанкі ўзбуджаная за дзейнасць ад імя незарэгістраванай арганізацыі па артыкуле 193-1 КК РБ.
Чатыры разы моладзевы рух рабіў спробу зарэгістравацца і чатыры разы атрымліваў адмову. Апошнім разам Упраўленне юстыцыі Менгарвыканкама спаслалася на неадпаведнасці ў статуце і адмовіла “Маладому Фронту” ў дзяржаўнай рэгістрацыі напярэдадні судовага працэсу.
