Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эканамічныя інтарэсы Беларусі разгортваюцца на Захад 15:06, 29/05/2007
Беларусь мае вялізную эканамічную цікавасць на Захадзе. Пра гэта заявіў Аляксандр Лукашэнка сёння на сустрэчы з дэлегацыяй Сібірскай федэральнай акругі. Ён адзначыў, што цяпер каля 45% знешняга гандлю Беларусі прыходзіцца на Расейскую Федэрацыю і блізу 45% – на краіны Еўразвяза.
Разам з тым, па словах Аляксандра Лукашэнкі, расейскія сродкі масавай інфармацыі часцяком ставяць у віну Беларусі тое, што яна, маўляў, "звярнулася" на Захад, здраджвае інтарэсам расейцаў і “саюзнай дзяржавы”. "Мы знаходзімся ў цэнтры Еўропы і не можам не развіваць стасункі з Захадам, мы павінны весці нармальны дыялог, гэта і Расеі выгодна", – сказаў кіраўнік дзяржавы.
У той самы час, заявіў кіраўнік Беларусі, беларускі бок будзе выразна прытрымлівацца дасягнутых раней дамоўленасцяў з Расейскай Федэрацыяй. "Мы ніколі Расею не падводзілі, нават у дробязях", – падкрэсліў Аляксандр Лукашэнка.
