Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Новыя беларусы» не хочуць браць на ўсынаўленне сірот 13:41, 29/05/2007
Практыка ўсынаўлення чужых дзяцей у Беларусі распаўсюджаная толькі сярод людзей з сярэднім дастаткам, і практычна няма выпадкаў, каб усынаўленнем займаліся "новыя беларусы", паведаміў на прэс-канферэнцыі ў аўторак начальнік упраўлення сацыяльнай і выхаваўчай працы Міністэрства адукацыі Беларусі Георгій Бутрым.
"Новыя беларусы" ніколі не бяруць на выхаванне ў свае сем`і чужых дзяцей, не займаюцца ўсынаўленнем. Пераважная колькасць сацыяльных сірот у Беларусі ўзятыя на выхаванне або усыноўленыя людзьмі з сярэднім дастаткам", сказаў Г.Бутрым.
Разам з тым ён адзначыў, што "ў рэспубліцы скарачаецца колькасць дамоў-інтэрнатаў для сацыяльных сірот. У мінулым годзе іх было зачынена каля 10-ці, і цяпер такіх устаноў налічваецца не больш як 300".
Па словах Г.Бутрыма "каля 72 адсоткаў сацыяльных дзяцей-сірот, якіх цяпер у рэспубліцы налічваецца каля 35 тысяч, знаходзяцца ў замяшчаючых сем`ях", паведамляе “Інтэрфакс”.
