Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Спынены яшчэ тры крымінальныя справы супраць апазіцыі 16:17, 29/05/2007
Прыпынены крымінальныя справы супраць актывістаў апазіцыі Аляксандра Урыўскага, Аляксандры Ясюк і Натальлі Старасцінай. Каб прыйсьці да такой высновы следчаму спатрэбілася роўна два месяцы.
Нагадаем, што дэмакратычная актывістка з Барысава Аляксандра Ясюк была затрымана ўвечары 22 сакавіка. У яе знайшлі налепкі з заклікам удзельнічаць у акцыі 25 сакавіка, што стала падставай для ўзбуджэньня крымінальнай справы. Аляксандр Урыўскі таксама быў затрыманы 22 сакавіка ўвечары. Усе актывісты абвінавачваліся ў "арганізацыі групавых дзеяньняў, якія парушаюць грамадскі парадак або актыўны ўдзел у іх” пад час святкаваньня Дня Волі
Раней у сувязі з адсутнасцю ў дзеяньнях складу злачынства пад час правядзеньня Дня Волі была спынена крымінальная справа ў дачыненьні да палітыка Вячаслава Сіўчыка, паведаміў праваабарончы цэнтр “Вясна”.
