Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Літва зацікаўленая ў размяшчэнні сістэм ПРА 12:26, 30/05/2007
Літва зацікаўленая ў размяшчэнні на сваёй тэрыторыі проціракетных сістэм па ўзору Польшчы і Чэхіі, заявіў міністр абароны гэтай краіны Юозас Алкас на прэс-канферэнцыі па выніках візіту ў Кішынёў, паведамляе “Інтэрфакс”. "Гэтыя сістэмы патрэбныя нашай краіне. Ёсць пагроза, што праз некалькі гадоў у нестабільных краінах знойдуцца тэхнічныя магчымасці для атакі. Свет павінен стрымаць гэты працэс. Адным з рашэнняў з`яўляецца проціракетная сістэма, прапанаваная НАТА. Такім чынам, мы хацелі б засцерагчы атамную электрастанцыю, якую плануюць пабудаваць у нашай краіне", – сказаў міністр.
Ён не пагадзіўся з меркаваннем, што ўсталяванне проціракетных сістэм ва Усходняй Еўропе накіраванае супраць Расеі і з`яўляецца крокам да новай халоднай вайны.
Ю.Алексас таксама заявіў, што "малдоўскія вайскоўцы могуць далучыцца да міратворчай місіі НАТА ў Аўганістане". Па яго словах, літоўскі вайсковы кантынгент у гэтай краіне займаецца аднаўленнем правінцый, пацярпеўшых падчас баявых дзеянняў, іншымі гуманітарнымі пытаннямі.
У сваю чаргу, міністр абароны Малдовы Валеры Плешка падкрэсліў, што яго краіна супрацоўнічае з НАТА пры прытрымліванні замацаванага ў яе Канстытуцыі статусу нейтралітэту. "Цяпер наша супрацоўніцтва здзяйсняецца ў рамках Індывідуальнага плану партнёрства Малдова–НАТА (IPAP), адна з асноўных мэт якога – мадэрнізацыя гэтага сектара, а таксама падвышэнне здольнасці адказваць на новыя рызыкі і пагрозы", – сказаў В.Плешка.
"Неабходна і надалей умацоўваць дыялог і супрацоўніцтва Малдовы з краінамі НАТА, каб набыць неабходны досвед для рэфармавання Нацыянальнага войска згодна з міжнароднымі стандартамі", – сказаў В.Плешка.
