Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польскаму пастару далі штраф і забаранілі ўезд у Беларусь 16:04, 30/05/2007
Сёньня ў міліцыю Цэнтральнага раёна Менску быў выкліканы пратэстанцкі пастар, грамадзянін Польшчы Яраслаў Лукасік.
Яго аштрафавалі на адну базавую велічыню і загадалі да 7 чэрвеня пакінуць тэрыторыю Беларусі. Пастару таксама забаранілі на пяць гадоў уезд у Беларусь.
Нагадаем, на Яраслава Лукасіка быў складзены пратакол за арганізацыю несанкцыянаванага набажэнства ў Менску.
Яраслаў Лукасік і яго жонка, грамадзянка Рэспублікі Беларусь Наталля Лукасік, маюць траіх дзяцей. Такія дзеянні ўлад разбіваюць шматдзетную сям`ю або змушаюць яе пакінуць нашу краіну.
