Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сямашка: Беларусь гатовая прадаць частку акцый высокапрыбытковых прадпрыемстваў 12:27, 30/05/2007
Беларусь гатовая прадаць частку акцый сваіх высокапрыбытковых прадпрыемстваў замежным інвестарам, заявіў першы віцэ-прэм`ер Уладзімір Сямашка. “Мы гатовыя прадаць частку сваіх прадпрыемстваў, але на ўмовах, у якіх зацікаўленыя”, – сказаў Сямашка 29 траўня на гадавым сходзе Саюза некамерцыйных арганізацый “Канфедэрацыя прамыслоўцаў і прадпрымальнікаў (наймальнікаў)”.
Па яго словах, цяпер “дзяржава ўсвядомлена ідзе на працэс прыватызацыі – не абвальны, а цывілізаваны”.
“Нам не патрэбны такі інвестар, які прыйдзе і выпампуе ўсё з прадпрыемства і кіне яго, нам патрэбны інвестар, які будзе развіваць прадпрыемства”, цытуе БелТА першага віцэ-прэм`ера.
Па словах Сямашкі, у нафтахімічнай прамысловасці Беларусі, якая вельмі цікавіць замежных інвестараў, неабходна кожныя два-тры гады абнаўляць вытворчасць. Прадпрыемствы "Белнафтахіміі" "цяпер знаходзяцца на нізкім старце і гатовыя да продажу акцый на цывілізаваных умовах", сказаў Сямашка.
