Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пашкоджаны аўтамабіль Аляксандра Мілінкевічa 10:08, 31/05/2007
Сёння ўночы “невядомымі” кіслатой зноў быў пашкоджаны аўтамабіль аднаго з лідэраў беларускай апазіцыі Аляксандра Мілінкевіча. Гэта ўжо чацьвёрты выпадак знішчэння прыватнай ўласнасці палітыка за апошнія паўгады. Па факце здарэння Аляксандр Мілінкевіч звярнуўся ў праваахоўныя ворганы. Міліцыянты праводзяць агляд месца здарэння і пашкоджання аўтамабіля.
Нагадаем, што 23 красавіка злачынцы прабілі колы і размалявалі кузаў у аўтамабіле, які належыць жонцы Аляксандра Мілінкевіча. 25 сакавіка бягучага году, у дзень правядзення акцыі Дня Волі, “невядомымі” кіслатой быў пашкоджаны дах і люк аўтамабіля Аляксандра Мілінкевіча.
Яшчэ раней, у лістападзе мінулага году, падчас сустрэчы з актывістамі горада Ліда, “невядомыя” распісалі аўтамабіль Мілінкевіча чырвона-зялёнай фарбай.
