Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка працягне выдаткоўваць вялізныя грошы на спорт 14:28, 01/06/2007
Беларусі неабходна пераходзіць ад хаатычнай падтрымкі да маштабных праектаў у спорце. Пра гэта заявіў сёння Аляксандр Лукашэнка на сустрэчы з трэнерамі і спартсменамі нацыянальнай каманды Рэспублікі Беларусь па мастацкай гімнастыцы.
"Перыяд хаатычнай падтрымкі ўжо скончыўся. Трэба пераходзіць да маштабных праектаў у гімнастыцы і ва ўсіх відах спорту" – падкрэсліў кіраўнік дзяржавы.
Па яго словах, цяпер сур`ёзная ўвага надаецца стварэнню базы па падрыхтоўцы весляроў. Тое ж самае, як лічыць прэзідэнт, неабходна зрабіць і для гімнастаў.
Аляксандр Лукашэнка азнаёміўся з перспектывамі развіцця спартовага комплексу "Дынама". Тут у самай блізкай будучыні плануецца здаць у эксплуатацыю залу для фехтавання, якая стане базай для падрыхтоўкі сяброў нацыянальнай каманды ў гэтым відзе спорту. Мяркуецца таксама пабудаваць новыя тэнісныя корты, пашырыць лёгкаатлетычны манеж, узвесці новыя аб`екты з заламі для адзінаборстваў, а таксама пабудаваць цэнтр спартовай медыцыны, гасцініцу на 150 месцаў, падземны паркінг.
Аляксандр Лукашэнка падкрэсліў, што на базе "Дынама" павінен быць створаны сучасны спартовы комплекс.
