Беларусь і Літва абмяркуюць энергетычнае супрацоўніцтва :: Хартыя'97 :: Навiны

Удзельнікі Беларуска-Літоўскага эканамічнага форума, які мае быць 6–7 чэрвеня ў Друскінінкаі, абмяркуюць перспектыўныя кірункі супрацоўніцтва дзвюх краін у энергетычнай сферы, паведамілі "Інтэрфаксу" ў панядзелак у прэс-службе МЗС Беларусі.

"Тэматыкай цяперашняга форума стане супрацоўніцтва ў энергетычнай сферы і ўдасканаленне транзіту, у тым ліку энергетычнага", – адзначылі ў беларускім МЗС.

У прэс-службе паінфармавалі, што ў рамках форума плануецца наведванне энергетычных аб`ектаў Друскінінскайскага рэгіёна і азнаямленне з дзейнасцю прадпрыемства, якое ажыццяўляе перапрацоўку тэхнічнай драўніны і вытворчасць дрэўнага паліва. Удзельнікі форума таксама наведаюць кагенерацыйную ЦЭЦ у Вільні і азнаёмяцца з працай кампаніі, якая гадуе хуткарослыя хмызнякі для перапрацоўкі на дрэўнае паліва, паведамілі ў МЗС.

Беларускую дэлегацыю на форуме ўзначаліць намеснік кіраўніка МЗС, старшыня беларускай часткі двухбаковай беларуска-літоўскай камісіі па гандлёва-эканамічнаму супрацоўніцтву Андрэй Еўдачэнка. З літоўскага боку ў працы форума возьмуць удзел намеснік міністра гаспадаркі, кіраўнік літоўскай часткі камісіі Вітаўтас Наудужас і прэзідэнт канфедэрацыі прамыслоўцаў Літвы Браніславас Лубіс.