Кіраўнік «Газпрома» знаходзіцца ў шпіталі ў цяжкім стане :: Хартыя'97 :: Навiны

Кіраўнік найбуйнейшай расейскай кампаніі "Газпром" Аляксей Мілер ужо некалькі дзён знаходзіцца ў шпіталі. З суботы Аляксей Мілер шпіталяваны з прычыны хваробы нырак і стан яго цяжкі, распавёў "Ведомостям" знаёмы старшыні праўлення кампаніі. Шпіталізацыя была планавай, але ўзніклі ўскладненні.

Нейкі час кіраўнік "Газпрома" павінен знаходзіцца пад наглядам лекараў, сказаў прэс-сакратар Мілера Сяргей Купрыянаў. ІТАР-ТАСС у сераду ён абвясціў, што стан Мілера паляпшаецца.

Да канца тыдня выканаўцай абавязкаў старшыні праўлення "Газпрома" прызначаны намеснік старшыні праўлення і начальнік фінансава-эканамічнага дэпартамента "Газпрома" Андрэй Круглоў, паведамляюць "Ведомости". На эканамічны форум у Санкт-Пецярбургу, які пройдзе 8–10 чэрвеня і дзе Мілер заяўлены ў якасці ўдзельніка, паедуць, як і планавалася раней, чатыры з васьмі намеснікаў старшыні.

Мілер не першы раз адсутнічае з прычыны хваробы. У 2001 годзе ў яго адсутнасць разгарэўся скандал: Пётр Радзівонаў, які яго замяняў, зацягнуў рашэнне аб выкупе допэмісіі "Сібура", і "Газпром" часова страціў над холдынгам кантроль. Тады гэта выклікала хвалю чутак пра магчымую адстаўку Мілера, але сышоў у выніку Радзівонаў.

Звычайна Мілера замяняў другі намеснік старшыні праўлення – Аляксандр Ананенкаў. У гэтай якасці ён не раз вырашаў газавыя праблемы з украінскім "Нафтагазам" у 2005 годзе, а ў 2004 годзе дамаўляўся з кіраўніцтвам Exxon аб супрацоўніцтве па праекце "Сахалін-1". Па словах Купрыянава, і Круглоў на пасады в.а. не ўпершыню.

Фінансіст Круглоў, якога лічаць чалавекам каманды Мілера, таксама шэсць гадоў прапрацаваў у мэрыі Пецярбурга. Праўда, трохі пазней за кіраўніка "Газпрома". Прыйшоў ён туды ў 1995 годзе з пасады эканаміста Dresdner Bank, а кіраваў адным з аддзелаў піцерскага камітэта па знешніх сувязях ужо пасля сходу Мілера з паста старшыні камітэта (у 1997-2001 гады). У "Газпром" Круглоў прыйшоў увесну 2002 года, атрымаўшы пасаду начальніка дэпартамента карпаратыўнага фінансавання і крэсла ў праўленні.

Адстаўка Мілера не абмяркоўваецца, запэўнілі "Ведомости" два супрацоўнікі апарата старшыні савета дырэктараў канцэрна, першага віцэ-прэм`ера Дзмітрыя Мядзведзева, а таксама службоўца Крамлю.