Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Блэр прыстрашыць Пуціну сыходам еўрапейскіх інвестыцый з Расеі 11:40, 07/06/2007
Кіраўнік урада Вялікабрытаніі Тоні Блэр падчас сустрэчы з Пуціным мае намер абвясціць, што еўрапейскія кампаніі звядуць да мінімуму сваю прысутнасць у Расеі, калі яна не дакажа сваю прыхільнасць дэмакратычным каштоўнасцям, піша ў чацвер брытанская газета The Times.
Тоні Блэр, піша The Times, збіраецца паведаміць Пуціну, што сітуацыя з парушэннем прынцыпаў дэмакратыі ў Расеі, у прыватнасці, пераслед палітычных апанентаў Крамля, выклікае сур`ёзную заклапочанасць у Вялікабрытаніі і іншых краінах Еўропы. "Калі Расея ў неўзабаве не зможа прадэманстраваць сваю прыхільнасць заходнім дэмакратычным каштоўнасцям, то кампаніі з Еўропы звядуць да мінімуму сваю прысутнасць у РФ", – заявіў Блэр, выступаючы ў парламенце.
У сваю чаргу, урад Вялікабрытаніі папярэдзіў бізнэсмэнаў пра рызыкі інвеставання ў Расею ў сувязі з дзеяннямі Масквы, накіраванымі на ўсталяванне кантролю над нафтагазавымі актывамі замежных кампаній, піша ў чацвер газета "The Financial Times".
Чакаецца, што сустрэча Блэра і Пуціна адбудзецца ў пятніцу ўвечары пасля завяршэння афіцыйнай часткі саміту, які праходзіць на нямецкім курорце Хайлігендам.
