Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Латвія гатовая размясціць на сваёй тэрыторыі элементы амерыканскай ПРА 15:31, 07/06/2007
Латвія гатовая разгледзець магчымасць размяшчэння на сваёй тэрыторыі элементаў амерыканскай сістэмы проціракетнай абароны, калі такая просьба паступіць ад партнёраў па НАТА, заявіў кіраўнік урада рэспублікі Айгар Калвіціс.
"Мы, вядома ж, пагадзіліся б, таму што бяспека ў Еўропе вельмі важная. Калі б з`явілася неабходнасць у размяшчэнні тут проціракетных будынкаў, Латвія, хутчэй за ўсё, пагадзілася б. Я ўпэўнены. Таму што мы сябры НАТА і ЕЗ, сябры агульнай калектыўнай бяспекі ва ўсёй Еўропе", – заявіў Калвіціс у інтэрв`ю тэлеканалу TV5.
"Калі гаворка ідзе пра абарону, я тут не бачу нічога страшнага. Калі гаворка ідзе пра атаку – гэта іншае пытанне", – дадаў ён.
Калвіціс лічыць няправільнай пазіцыю Расеі па гэтым пытанні.
"З расейскага боку гэта даволі агрэсіўная пазіцыя. Заявіць, што можам нацэліць ракеты на Еўропу – гэта палітыка, вядучая да канфрантацыі. Гэта няправільна", – сказаў прэм`ер.
