Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зьбілі згодна з законам «Аб міліцыі» 12:35, 14/06/2007
Пракуратура Ленінскага раёну Магілёва адмовілася заводзіць крымінальную справу на міліцыянтаў, якія 22 траўня падчас акцыі супраць скасаваньня льготаў зьбілі грамадзкага актывіста, інваліда дзяцінства Сяргея Гіркіна. У пракуратуры пастанавілі, што дзеяньні міліцыянтаў правамоцныя, паведамляе «Радыё Свабода».
Ленінская ўправа ўнутраных справаў Магілёва прызнала, што некаторыя факты са скаргі актывіста праўдзівыя. Але ўправа адмовілася караць вінаватых, паведаміўшы Сяргею Гіркіну, што міліцыянты дзейнічалі згодна з законам “Аб міліцыі”.
22 траўня Сяргей Гіркін распаўсюджваў праваабарончы бюлетэнь “Права на волю”. Неспадзявана да яго падбеглі міліцыянты й груба заштурхнулі ў міліцэйскі аўтобус.
У пастарунку актывісту паведамілі, што яго затрымалі для высьвятленьня асобы. Пасьля вызваленьня Сяргей Гіркін зьняў пабоі, што атрымаў ад міліцыянтаў.
