Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БРСМ падключылі да дзяржпрапаганды 17:44, 18/06/2007
Cупрацоўнікі ідэалагічных службаў Гародні актывізавалі прапагандыстскую працу па абмеркаванні праекта закона "Аб дзяржаўных сацыяльных ільготах для асобных катэгорый грамадзян".
Некалькі дзесяткаў інфармацыйных групаў, створаных пры непасрэдным удзеле ўпраўлення па ідэалогіі Гарадзенскага аблвыканкама, штодзённа сустракаюцца з працоўнымі калектывамі вобласці, пенсіянерамі і студэнтамі. На сустрэчах прапагандысты ад улады тлумачаць жыхарам Гарадзеншчыны аб тым, што паводле новага закона сацыяльная дапамога будзе пераразмеркаваная і яе змогуць атрымаць тыя катэгорыі грамадзян, якім гэта найбольш неабходна, паведамляе “Радыё Рацыя”.
На сустрэчы з прадстаўнікамі аддзелаў па ідэалогіі розных узроўняў у прымусовым парадку вымушаны прыходзіць як працаўнікі прамысловых прадпрыемстваў, так і жыхары сельскай мясцовасці. Прычым з-за недахопу кадраў прапагандысцкія абавязкі ўлады усклалі на сяброў БРСМ і чынавенства з выканаўчых камітэтаў.
