Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Моладзь Салігорску выйшла на плошчу (Фота) 12:43, 18/06/2007
Акцыі, прымеркаваныя да Дня салідарнасьці, адбыліся 16 чэрвеня ў Салігорску. Гэтым разам удзельнікі акцыі патрабавалі вызваліць актывістаў “Маладога Фронта”. У руках яны трымалі партрэты палітвязьня Зьмітра Дашкевіча, сьвечы і літары, зь якіх складваўся лёзунг "Свабоду маладафронтаўцам!".
Як звычайна, акцыя адбылася а 20-й гадзіне на цэнтральнае плошчы горада ў прысутнасьці вялікай колькасьці супрацоўнікаў міліцыі. Праз 15 хвілінаў удзельнікі пакінулі плошчу.
Дарэчы непасрэдна перад акцыяй міліцыянты пагражалі моладзеваму актывісту Івану Шыла, што калі акцыя зацягнецца хаця б на хвіліну больш, то гэта будзе лічыцца несанкцыяваным дзеяньнем і ўсе ўдзельнікі акцыі будуць жорска разагнаныя.
