Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амністыя адкладаецца на больш позні тэрмін 15:56, 25/06/2007
Праект закону аб амністыі ўжо некалькі месяцаў знаходзіцца ў адміністрацыі прэзыдэнта Беларусі. Пра гэта, як паведамляе “Радыё Свабода”, сёньня паведаміў міністар унутраных справаў Уладзімір Навумаў, выступаючы ў «палаце прадстаўнікоў».
Прычыну затрымкі міністар патлумачыў так: “У прэзыдэнцкай адміністрацыі няма паразуменьня па дакладным вызначэньні некаторых катэгорыях грамадзянаў, якія могуць трапіць пад амністыю”.
Зь якімі катэгорыямі ў адміністрацыі няма яснасьці – міністар не ўдакладніў.
Раней на падставе неафіцыйных крыніцаў паведамлялася, што амністыя будзе прымеркаваная да 3 ліпеня – афіцыйнага дзяржаўнага сьвята Рэспублікі Беларусь.
