Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея мае намер будаваць АЭС у Беларусі 11:00, 25/06/2007
Расея зацікаўленая ўдзельнічаць у праекце па будаўніцтве атамнай электрастанцыі ў Беларусі, заявіў старшыня камісіі дзяржаў–удзельніц СНД па выкарыстанні атамнай энергіі ў мірных мэтах, намеснік кіраўніка Федэральнага агенцтва па атамнай энергіі "Росатом" Андрэй Малышаў.
"Інтарэс ёсць", – заявіў А.Малышаў, адказваючы на пытанне журналістаў у панядзелак у Менску пра намер РФ удзельнічаць у праекце па будаўніцтве АЭС у Беларусі, паведамляе «Інтэрфакс».
"У нас адзіная тэхналагічная фундаментальная база. Беларусь з`яўляецца нашым стратэгічным партнёрам", – падкрэсліў ён. Пры гэтым А.Малышаў адзначыў, што пры рашэнні Беларусі будаваць атамную станцыю "Расея зробіць усё магчымае, каб удзельнічаць у гэтым праекце".
