Сусветныя цэны на газ знізіліся за тыдзень на 10% :: Хартыя'97 :: Навiны

Сусветныя цэны на прыродны газ знізіліся за мінулы тыдзень на 10% і ўсталяваліся на самым нізкім узроўні за тры месяцы. Так, паводле афіцыйных вынікаў гандлю на New York Mercantile Exchange (NYMEX) у Нью-Ёрку, ф`ючэрсны кантракт на прыродны газ з пастаўкай у ліпені за перыяд 15–22 чэрвеня гэтага года знізіўся ў цане з 7,918 да 7,130 дал. за 1 млн брытанскіх тэрмальных адзінак. У тым ліку на гандлі 22 чэрвеня цана прыроднага газу знізілася на 3% да самага нізкага ўзроўню за тры месяцы.

Увесь мінулы тыдзень цэны на прыродны газ зніжаліся, але сёння раніцай падзенне цэнаў на прыродны газ працягнулася. Так, на таргах цаны па пагадненнях з прыродным газам упершыню за тры месяца зваліліся ніжэй псіхалагічнай адзнакі 7 дол. за 1 млн брытанскіх тэрмальных адзінак. Мінімальная цана пагаднення па кантракце на ліпень сёння складае 6,980 дал. за 1 млн брытанскіх тэрмальных адзінак – самая нізкая катыроўка пасля 19 сакавіка, паведамляе “Росбизнесконсалтинг”.

Нізкія цэны на "блакітнае паліва" абумоўленыя наяўнасцю яго дастатковых прамысловых запасаў у ЗША. Дадаткова істотны ціск на цэны аказала таксама інфармацыя з Расеі аб пашырэнні доступу ААТ "Газпром" да міжнародных рынкаў прыроднага газу.

Нагадаем, што 22 чэрвеня гэтага года Газпром, брытана-галандская ВР і ТНК-ВР падпісалі трохбаковы мемарандум аб паразуменні па стварэнні стратэгічнага альянсу і дамовіліся аб стварэнні сумеснага прадпрыемства па нафтагазавых актывах. У тым ліку была дасягнутая дамоўленасць аб продажы Газпрому долі ТНК-ВР у Кавыкцінскім праекце.

Згодна з пагадненнем, Газпром атрымае 62,8% акцый кампаніі "РУСИА Петролуем", якая з`яўляецца трымальнікам ліцэнзіі на Кавыкцінскае радовішча, а таксама 50% акцый Усходне-Сібірскай газавай кампаніі (УСГК), якая ажыццяўляе праект рэгіянальнай газіфікацыі Іркуцкай вобласці.