Пілігрымка «Вільня - Будслаў-2007» выправіліся з Мінска ў Вільню :: Хартыя'97 :: Навiны

23 чэрвеня з новай беларускай сталіцы ў старую накіраваліся беларускія ўдзельнікі міжнароднай пілігрымкі Вільня-Будслаў-2007, прысвечаныя 500-годзьдзю пачатку сплава лесу па Віліі. У 1507 годзе па Віліі сплавілі драўніну, з якой збудавалі касцёл і кляштар бернардынцаў у Вільні.

Сёлетняя пілігрымка прывязе 1-2 ліпеня на Сьвята Маці Божай Будслаўскай копію яе абразу, які летась пабываў зь беларускімі альпіністамі на Гімалаях, а таксама двухметровы сасновы крыж, зроблены з бервяна, якое 500 год таму сплыло па Віліі з Будслава ў Вільню. У суботу ранкам у Менскім касцёле Сьв. Сымона й Алены з нагоды гістрачнай пілігрымкі прайшла святая імша, якую правёў біскуп Антоні Дзямянка.

Напрыканцы чэрвеня з розных месцаў Беларусі традыцыйна выходзяць пешыя пілігрымкі ў нацыянальны санктуарый у Будславе. У суботу 23 чэрвеня да Маці Божай Будслаўскай выйшлі пілігрымы з Баранавічаў, а ў панядзелак раніцай распачалася пілігрымка з Віцебска.

Віцебскія пілігрымы рушылі ў шлях, які працягнецца цэлы тыдзень, ад катедральнаго касцёла св. Барбары. У пілігрымцы бяруць удзел каля сотні вернікаў, сярод якіх паўтара дзесятка маладых каталікоў з санкт-пецярбургскай парафіі св. Кацярыны.

Мэта першага дня дарогі - санктуарый Маці Божай Фацімскай у Шуміліне. Усяго віцебскія пілігрымы з малітвамі і песнямі пройдуць за тыдзень больш за 200 кіламетраў.