Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Артуру Фінькевічу пагражае 3 гады турмы 10:50, 27/06/2007
Адміністрацыя Магілёўскай спецкамендатуры цягам дзесяці сутак мусіць вызначыць дысцыплінарнае пакаранне для аднаго з лідэраў “Маладога фронту” Артура Фінькевіча за інцыдэнт, які здарыўся днямі.
Пазаўчора ўвечары пасля адбою Артур зайшоў у суседні пакой па валідол. Па інфармацыі прэс-службы “Маладога фронту”, супрацоўнікі камендатуры палічылі гэта парушэннем рэжыма і запатрабавалі, каб хлопец напісаў тлумачэнне.
“Калі ўсё ж вырашаць даць мне спагнанне, то гэта будзе значыць, што мяне перавядуць у следчы ізалятар, а потым у судзе новая крымінальная справа паводле 415 артыкулу Крымінальнага кодэксу (ухіленне або парушэнне правілаў распарадку падчас адбыцця пакарання). Мяне могуць пакараць да трох гадоў пазбаўлення волі” - паведаміў Артур Фінькевіч.
Моладзевы актывіст Артур Фінькевіч прысуджаны 10 траўня 2006 года да двух гадоў абмежавання волі ("хіміі") за нанясенне напярэдадні прэзідэнцкіх выбараў палітычных графіці "Мы хочам новага!" і "Дастаў!".
