Беларус блакаваў працу Маскоўскай чыгункі :: Хартыя'97 :: Навiны

Жыхар Беларусі паквапіўся на медны провад і абясточыў сістэму ўпраўлення на адным з кірункаў Маскоўскай чыгункі. Аператыўна праведзены комплекс супрацьаварыйных мерапрыемстваў прадухіліў крушэнне некалькіх саставаў.

57-гадовы Уладзімір Янюк разгублены і дагэтуль не верыць, што здолеў блакаваць працу Маскоўскай чыгункі. Гаворыць, што проста зрэзаў медныя правады сістэмы электразабеспячэння. У выніку некалькі спыненых цягнікоў і вялізная матэрыяльная шкода, перадаюць «Вести-Москва».

"Гэтая шафа была прыадчыненая, тут былі правады, тут была ручка, думаю, што здам на метал, адкусіў правады. Я ў асноўным хадзіў па смецці, збіраў, дзе што выкінуць, потым нёс і здаваў на метал ", – распавядае затрыманы Уладзімір Янюк.

Сігнал аб блакаванні шляхоў адразу ж паступіў на пульт дзяжурнага. Грузавыя і пасажырскія цягнікі былі спыненыя. Нарад транспартнай міліцыі выехаў на месца здарэння і затрымаў пажылога мужчыну з школьным заплечнікам.

Для беспрацоўнага жыхара Беларусі збор каляровага металу асноўная крыніца прыбытку. У міліцыі гавораць, што такіх затрыманых з кожным днём становіцца больш. Спыніць паляванне за металам можна толькі адным спосабам, гавораць спецыялісты. Трэба зрабіць больш жорсткім кантроль за пунктамі прыёму каляровага лому.

Сёлета каля 100 чалавек зборшчыкаў металу, затрыманыя і прыцягнутыя да крымінальнай адказнасці. Уладзіміру Янюку, як і іншым затрыманым, пагражае пазбаўленне свабоды.