Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея цягне з выдзяленнем крэдыту Беларусі 12:33, 29/06/2007
Расея разглядае магчымасць выдзялення крэдыту Беларусі для закупаў расейскага газу, паведаміў прэм`ер-міністр РФ Міхаіл Фрадкоў. "Эксперты працуюць, вядуцца перамовы з "Газпромам" аб умовах паставак", – сказаў М.Фрадкоў журналістам у пятніцу пасля заканчэння паседжання савета міністра “саюзнай дзяржавы” Расеі і Беларусі.
Па словах М.Фрадкова, такія перамовы патрабуюць часу. "Мы з разуменнем да гэтага ставімся, пацвярджаючы супрацоўніцтва на рынкавых умовах", – сказаў расейскі прэм`ер.
М.Фрадкоў адзначыў, што нафтагазавая сфера з`яўляецца вызначальным фактарам у эканамічным супрацоўніцтве дзвюх краін. "Пэўныя рашэнні іграюць ролю ў фармаванні стасункаў не толькі сёння, але і на перспектыву, мы прымаем узважаныя, своечасовыя рашэнні, сінхранізуючы іх з гатоўнасцю эканомікі Беларусі да ўспрымання іх у практычнай дзейнасці", – адзначыў прэм`ер-міністр РФ.
