Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларуская мова стане насамрэч дзяржаўнай? 14:37, 29/06/2007
Стварэнне беларускамоўнай версіі сайта прэзідэнта Беларусі з`яўляецца вельмі важным крокам у наданні беларускай мове рэальнага статусу дзяржаўнай. Пра гэта 29 чэрвеня ў інтэрв`ю БелаПАН заявіў старшыня грамадскага аб`яднання "Таварыства беларускай мовы імя Францішка Скарыны" Алег Трусаў.
Ён выказаў надзею, што ўсе міністэрствы і ведамствы пойдуць па гэтым шляху і неўзабаве будуць створаныя беларускамоўныя версіі сайтаў галоўных дзяржаўных структур. "Дарэчы, Міністэрства абароны даўно выкарыстоўвае беларускую мову на сваім інтэрнэт-сайце, завошта кіраўніцтва ТБМ выказвае шчырую падзяку міністру абароны", – сказаў А.Трусаў.
Варта адзначыць, што 27 чэрвеня да рускамоўнай і англамоўнай версіяў сайта прэзідэнта Беларусі (president.gov.by) дадалася і беларускамоўная.
