Картэж Чавеса накіроўваецца ў Менск :: Хартыя'97 :: Навiны

Картэж прэзідэнта Уга Чавеса, які прыбыў у пятніцу ў Нацыянальны аэрапорт "Менск", накіроўваецца ў беларускую сталіцу. У аэрапорце У.Чавеса сустракаў намеснік прэм`ер-міністра Беларусі Уладзімір Сямашка.

Разам з прэзідэнтам Венесуэлы ў Менск прыбылі шэраг афіцыйных асоб гэтай краіны, а таксама дачка, сын і двое ўнукаў.

Плануецца, што прэзідэнты Беларусі і Венесуэлы Аляксандр Лукашэнка і Уга Чавес у Менску 29 чэрвеня абмяркуюць пытанні пашырэння гандлёва-эканамічных стасункаў паміж краінамі, развіцця супрацоўніцтва ў энергетычнай сферы, паведамілі "Інтэрфаксу" ў прэс-службе кіраўніка беларускай дзяржавы.

"Плануецца, што бакі прааналізуюць выкананне дамоўленасцяў, дасягнутых падчас папярэдняга візіту прэзідэнта Венесуэлы ў Менск у ліпені 2006 года", – адзначылі ў прэзідэнцкай прэс-службе.