Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За пяць месяцаў выкананыя 12 з 19 параметраў прагнозу сацыяльна-эканамічнага развіцця Беларусі. Пра гэта 29 чэрвеня, адказваючы на пытанні “парламентарыяў”, паведаміў намеснік прэм`ер-міністра Віктар Бура.
Па яго словах, сёння нібыта ёсць усе падставы ацэньваць эканамічнае становішча краіны як "стабільнае". У прыватнасці, ВУП з пачатку года вырас на 9%, што, як адзначыў віцэ-прэм`ер, "ужо адпавядае верхняй мяжы гадавога прагнозу". Рост прамысловасці склаў 107,7%. Энергаёмістасць ВУП за студзень–красавік знізілася на 17,2% пры прагнозе 6–7%. Па словах В.Буры, "гэта вельмі важны для эканомікі вынік, які забяспечаны рэальнымі ўмовамі па энергазахаванні і энергаэфектыўнасці", паведамляе БелаПАН.
Таксама В.Бура паведаміў, што забяспечаны высокі рост інвестыцый у асноўны капітал. За студзень–травень яны ўзраслі на 20,9%. Па яго словах, "будуць вырабляцца ўсе меры для таго, каб агульны энергетычны складнік, які ўзрос па кошце, не адбіўся на захаванні высокай дынамікі інвестыцый".
