Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Леанід Заіка: Крыніца беларускага «эканамічнага цуду» надзейна перакрытая Расеяй 13:46, 29/06/2007
Сёння на сустрэчы з беларускімі «парламентарыямі» віцэ-прэм`ер Віктар Бура прызнаўся, што рэнтабельнасць нафтаперапрацоўкі складае каля 1%, фактычна балансуючы каля нуля. Сітуацыю каментуе прэс-цэнтру Хартыі’97 вядомы эканаміст Леанід Заіка.
– Гэтыя лічбы мяне не здзіўляюць, месяц таму рэнтабельнасць нашай нафтаперапрацоўкі была 3,3%, цяпер афіцыйныя асобы прызнаюць яе падзенне да 1%. Унікальнасць сітуацыі ў тым, што яна непаўторная нідзе ў свеце. Такая дзейнасць цалкам непрымальная для краіны, проста супрацьпаказаная. Адзіны лагічны ход для ўрада – аддаць нафтаперапрацоўку тым, у каго ёсць нафта. Тады бюджэт будзе атрымоўваць падаткі на ўзроўні нармальным для такой сферы дзейнасці. Бо раней выручка, звязаная з нафтаперапрацоўкай дасягала ў Беларусі 6 мільярдаў даляраў, што супастаўляльнае з усімі выдаткамі Расеі на ВПК. Цяпер гэтая крыніца беларускага «эканамічнага цуду» надзейна перакрытая Расеяй, – адзначыў эксперт.
