Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У верасні Кіеў прыме саміт Еўразвязу 11:16, 04/07/2007
Саміт Еўрапейскага Звязу пад старшынствам Партугаліі пройдзе 14 верасня ў Кіеве, паведаміў намеснік кіраўніка сакратарыяту Прэзідэнта Украіны Аляксандр Чалы.
Чалы падкрэсліў, што на саміце будзе абмяркоўвацца паглыбленае пагадненне паміж Украінай і ЕЗ.
Намеснік кіраўніка сакратарыята Прэзідэнта таксама адзначыў, што ў верасні ўжо будуць зразумелыя пэўныя перспектывы ўступлення Украіны ў Сусветную гандлёвую арганізацыю, да гэтага часу ужо будуць вядомыя тэрміны, калі ўступяць у сілу дакументы Еўрапейскага Звязу па рэадмісіі і спрошчанаму візаваму рэжыму.
Чалы зазначыў, што ў Украіны з Партугаліяй заўсёды былі "традыцыйна сяброўскія стасункі".
Ён выказаў упэўненасць, што партугальскае грамадства не баіцца інтэграцыі Украіны ў ЕЗ, бо "Украіна рэальна інтэграваная ў Партугалію на шмат глыбей чым у іншыя краіны Еўрапейскага Звязу – праз нашых мігрантаў".
"Мы чакаем, што, магчыма, падчас партугальскага старшынства нам атрымаецца прасунуць тэмы, звязаныя з прававой рэгламентацыяй знаходжання ўкраінскіх працоўных мігрантаў на тэрыторыі ЕЗ", – сказаў намеснік кіраўніка прэзідэнцкага сакратарыята.
Чалы нагадаў, што на двухбаковым узроўні паміж Украінай і Партугаліяй гэтыя механізмы ўжо ўрэгуляваныя.
Нагадаем, што віцэ-прэзідэнт Еўрапарламента Марэк Сівец называе 2020 год рэальнай датай уступлення Украіны ў Еўразвяз, аднак лічыць, што гэты тэрмін можа быць паменшаны.
