Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Казуліна павінны абследаваць лекары 13:51, 05/07/2007
Сябры Віцебскай абласной арганізацыі Беларускай сацыял-дэмакратычнай партыі (Грамада) просяць пракурора вобласці Генадзя Дысько прызначыць судова-медыцынскае абследаванне экс-кандыдата ў прэзідэнты лідэра партыі Аляксандра Казуліна. Адпаведны зварот 5 ліпеня пракурору накіраваў старшыня абласной арганізацыі Анатоль Гнеўко.
У дакуменце прыводзіцца інфармацыя СМІ пра збіццё А.Казуліна афіцэрам унутранай службы ў калоніі "Віцьба-3", дзе палітык адбывае пакаранне, паведамляе БелаПАН.
"Грамадзяне і сябры партыі занепакоеныя за жыццё, фізічны стан і здароўе Аляксандра Казуліна, бо ёсць усе падставы для турботы", – гаворыцца ў звароце. Пры гэтым падкрэсліваецца, што А.Казулін пазбаўлены сустрэчы з сям`ёй і на пазнейшы тэрмін перанесеная яго сустрэча з адвакатам.
Віцебскія актывісты БСДП (Грамада) просяць пракурора апытаць А.Казуліна, а таксама тых, з кім ён адбывае пакаранне, і начальніка атрада на прадмет таго, ці меў месца факт збівання або ўжывання фізічнай сілы ў дачыненні палітыка.
