Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кітайцы пабудуюць у Беларусі крухмальны завод 17:02, 06/07/2007
Паблізу вёскі Хорава Пружанскага раёну падрыхтавана пляцоўка для будаўніцтва кітайскім канцэрнам CLETC крухмальнага заводу.
Дамоўленасьць аб будаўніцтве заводу была дасягнутая на пачатку году, калі Берасьцейшчыну наведала дэлегацыя з Кітаю, паведамляе “Радыё Свабода”.
Паводле кантракту, карпарацыя CLETC мае закупіць сучаснае абсталяваньне для перапрацоўваньня бульбы і навучыць пэрсанал новага прадпрыемства. Кітайскі бок зьбіраецца забясьпечваць завод бульбай, выгадаванай і перапрацаванай паводле ўласных тэхналёгіяў. Выдаткі на гэты праект ацэненыя больш чым на 2 мільёны амэрыканскіх даляраў.
Між тым у паселішчы Лінава Пружанскага раёну ўжо існуе крухмальны завод, які апошнім часам мае праблемы з сыравінай.
