Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка: «Сённяшняя Беларусь – увасабленне мараў Янкі Купалы» 15:06, 06/07/2007
Аляксандр Лукашэнка павіншаваў суайчыннікаў з знамянальнай датай – 125-годдзем з дня нараджэння народнага паэта краіны Янкі Купалы, якое адзначаецца 7 ліпеня.
Янка Купала належыць да кагорты мысляроў і асветнікаў, якія пакінулі прыкметны след у духоўным жыцці нашай краіны, гаворыцца ў віншаванні. У айчынную гісторыю Янка Купала ўвайшоў, найперш, як паэт-грамадзянін, родапачынальнік сучаснай беларускай літаратуры, якая, дзякуючы яго творчасці, набыла сусветную славу і прызнанне.
"Усё жыццё Янкі Купалы прасякнутае імкненнем бачыць Бацькаўшчыну незалежнай, мірнай і магутнай дзяржавай. Сённяшняя суверэнная Беларусь з высокім узроўнем эканамічнага, навуковага і культурнага развіцця з`яўляецца ўвасабленнем мараў вялікага песняра", – адзначыў Аляксандр Лукашэнка.
"Хай і надалей творчая спадчына Янкі Купалы будзе для нас прыкладам сапраўднага патрыятызму і самаадданага служэння Радзіме", – гаворыцца ў віншаванні.
