Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пашпартны кантроль на святкаванні юбілею Янкі Купалы ў Вязанцы 11:11, 09/07/2007
У вёсцы Вязынка (Маладзечанскі раён), на радзіме класіка беларускай паэзіі Янкі Купалы, прайшлі мерапрыемствы з нагоды 125-годдзя з дня ягонага нараджэння. Нягледзячы на спробы супрацоўнікаў міліцыі і КДБ перашкодзіць правядзенню свята, лідэр Руху “За Свабоду” Аляксандр Мілінкевіч разам са сваімі паплечнікамі ўшанавалі памяць беларускага паэта.
Імпрэза, арганізаваная сябрамі Руху «За Свабоду», прайшла ля помніка беларускага паэта. Больш за 200 чалавек з нацыянальнай сімволіка на вопратцы спявалі беларускія патрыятычныя песні і чыталі вершы. Гурт "Рэха" даў акустычны канцэрт.
Супрацоўнікі міліцыі і КДБ на ўваходзе ў мэмарыяльны комплекс Янкі Купалы наладзілі сістэму пашпартнага кантролю і дагляду рэчаў. Яны правяралі дакументы, заплечнікі і сумкі наведнікаў, пыталіся пра незарэгістраваную сымболіку, улёткі і транспаранты.
