Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь пазбаўляецца ўкраінскай электраэнергіі праз Расею 16:38, 10/07/2007
Экспарт украінскай электраэнергіі ў Беларусь за 6 месяцаў 2007 г. скараціўся на 38,1% – да 0,7 млрд квт/ч, паведамляе агенцтва “РБК-Україна”. У канцы чэрвеня афіцыйна паведамлялася, што Украіна прыпыніла экспарт электраэнергіі ў Беларусь па прычыне дэфіцыту атамнай электраэнергіі на ўнутраным рынку. Экспарт электраэнергіі быў скарочаны таксама ў Вугоршчыну і Славаччыну.
У той жа час у цэлым Украіна павялічыла экспарт электраэнергіі ў параўнанні з такім жа перыядам 2006 г. на 14,3% – да 5,3 млрд квт/ч, паведамілі ў Кабінеце міністраў. У Расею экспартаваныя за 6 месяцаў 950 млн квт/ч электраэнергіі (пастаўкі пачаліся ў лістападзе 2006 г.). Узраслі пастаўкі ў Польшчу – на 1,9% – да 0,44 млрд квт/ч, Румынію – на 601,2% – да 0,242 млрд квт/ч, Малдову – на 33,1% - да 1,4 млрд квт/ч.
