Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украіна скараціла пастаўкі газу ў Еўропу з прычыны спякоты 15:35, 10/07/2007
Канцэрн “Укртрансгаз”, паводле аператыўных дадзеных, у студзені–чэрвені 2007 года скараціў транзіт прыроднага газу па тэрыторыі Украіны на 16,8% у параўнанні з аналагічным перыядам 2006 года – да 54,707 млрд. кубаметраў.
У чэрвені ДК адбылося скарачэнне транзіту прыроднага газу на 10,6% – у параўнанні з чэрвенем мінулага года. Аб`ём перапампаванага газу паменшыўся да 8,942 млрд кубаметраў, паведамляе Карэспандэнт.net.
Па дадзеных прэс-службы ДК «Укртрансгаз», прычынай паніжэння аб`ёмаў транзіту газу праз тэрыторыю Украіны ў 2007 годзе стала скарачэнне адбору прыроднага газу спажыўцамі еўрапейскіх краін у выніку анамальна цёплага надвор`я.
У 2006 годзе ДК “Укртрансгаз” транспартавала ў краіны Еўропы 113,8 млрд кубаметраў прыроднага газу, што на 7,7 млрд кубаметраў менш, чым у 2005 годзе. Аб`ём транзіту прыроднага газу ў краіны СНД у 2006 годзе склаў 14,7 млрд кубаметраў, што на 0,2 млрд кубаметраў менш, чым у 2005 годзе.
ДК “Укртрансгаз” з`яўляецца аператарам газатранспартнай сістэмы Украіны. Кампанія эксплуатуе 36,6 тыс. км магістральных газаправодаў і газаправодаў-адводаў.
