Кастра, Чавес і Лукашэнка – сімвалы выбарчай кампаніі КПРФ :: Хартыя'97 :: Навiны

Расейскія камуністы лічаць сімваламі думскай выбарчай кампаніі, якая мае быць, пастаяннага кубінскага лідэра Фідэля Кастру, прэзідэнта Венесуэлы Уга Чавеса і Аляксандра Лукашэнку, што адрозніваюцца жорсткай рыторыкай у адрас Захаду.

"Тут і кубінскі лідэр Фідэль Кастра, тут і прэзідэнт Венесуэлы Уга Чавес, у гэтым шэрагу і Аляксандр Лукашэнка. Не парушаючы закон, мы будзем звяртацца да іх выяў", – сказаў РІА “Новости” намеснік старшыні ЦК КПРФ Іван Мельнікаў, пералічваючы тыя фігуры, якія, на яго думку, можна назваць "сімваламі" выбарчай кампаніі КПРФ.

На яго думку, у прытомнасці выбаршчыка гэтыя людзі непарыўна звязваюцца толькі з КПРФ, "і сваёй паспяховай практычнай дзейнасцю даказваюць слушнасць нашай палітычнай і эканамічнай платформы".

Мельнікаў нагадаў, што сярод прыхільнікаў КПРФ шмат вядомых людзей, якія, у адрозненне ад вышэйназваных асоб, могуць і будуць браць удзел у выбарах.

"Я б падзяліў іх на тры групы: палітыкі, агітатары і сімвалы. "Палітыкі" – гэта тыя, хто не толькі стане прапагандысцкім сцягам КПРФ на выбарах, але і адначасова зойме вядучыя пазіцыі ў спісах", – сказаў ён.

У гэтую "групу", па словах Мельнікава, трапляе нобелеўскі лаўрэат Жарэс Алфёраў, "касманаўты-палітыкі" Святлана Савіцкая і Віталь Севасцьянаў, а таксама камуніст, кандыдат у прэзідэнты на выбарах у 2004 году Мікалай Харытонаў.

"Агітатарамі" Мельнікаў называе тых прыхільнікаў КПРФ, асобы якіх будуць на агітацыйных матэрыялах партыі. Гэта, у прыватнасці, рэжысёры Мікалай Губенка і Уладзімір Бортка, а таксама шасціразовая алімпійская чэмпіёнка па лыжных гонках Любоў Ягорава.

"Абодва (Губенка і Бортка) добра валодаюць майстэрствам растлумачыць сутнасць цяперашняй улады ў вобразах, даць ацэнку з пункту гледжання расейскай культуры з яе класічным разуменнем грамадскіх і чалавечых каштоўнасцяў", – упэўнены Мельнікаў. Ён лічыць, што галоўная якасць, якая аб’ядноўвае гэтых людзей – паслядоўнасць.

"Ніхто з пералічаных не скакаў з партыі ў партыю кожнае скліканне Думы толькі дзеля таго, каб патрапіць у дэпутацкае крэсла", – дадаў намеснік старшыні ЦК КПРФ.

Выбары ў Дзярждуму пройдуць у снежні 2007 года.