Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады расплаціліся з апазіцыянерам за арышт і катаванні 14:26, 11/07/2007
Урад Азербайджана выплаціў лідэру апазіцыйнай Дэмакратычнай партыі Сардару Джалалоглу 10 тысяч еўра ў якасці кампенсавання за тое, што ў 2003 годзе яго арыштавалі і катавалі за ўдзел у акцыях пратэсту. Пра гэта паведамляе АПА.
Такім чынам улады рэспублікі выканалі рашэнне Еўрапейскага суду па правах чалавека, які абавязаў іх пакрыць апазіцыянеру маральную шкоду. Адзначым, што пазоў Сардара Джалалоглу быў здаволены на пачатку студзеня 2007 года, аднак грошы ад урада ён атрымаў толькі цяпер.
Джалалоглу сцвярджае, што 18 кастрычніка 2003 года, праз некалькі дзён пасля прэзідэнцкіх выбараў, на якіх перамог Ільхам Аліеў, яго пазапраўна арыштавалі, а пасля катавалі ў паліцэйскім участку.
Нагадаем, што азербайджанская апазіцыя тады заявіла, што вынікі выбараў былі сфальсіфікаваныя, і правяла акцыі пратэсту. Пасля гэтага лідэры апазіцыі былі арыштаваныя, іх абвінавацілі ў арганізацыі беспарадкаў. Сардара Джалалоглу, як адзначае ІА REGNUM, прысудзілі да некалькіх гадоў пазбаўлення свабоды, аднак праз год ён быў памілаваны.
