Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На палітвязьня могуць завесьці крымінальную справу 10:27, 11/07/2007
Начальнік Магілёўскай спэцкамэндатуры падпалкоўнік Аляксандар Ламаза нагадаў Артуру Фінькевічу пра тое, што на яго як злоснага парушальніка рэжыму могуць завесьці крымінальную справу і зьмяніць месца адбываньня пакараньня.
Паводле палітвязьня, начальнік спэцкамэндатуры папярэдзіў яго пасьля спатканьня зь праваабаронцай Людмілай Гразновай і публікацыяй пра ягоны побыт на “хіміі” ў газэце “Свободные новости плюс”. У публікацыі між іншым згадвалася пра Фінькевічаву грамадзкую дзейнасьць, якой займаецца палітвязень, знаходзячыся на “хіміі”, паведаміла "Радыё Свабода".
Артур Фінькевіч зазначае, што кіраўніцтва спэцкамэндатуры шукае падставаў, каб адправіць яго "на зону". Гэтым разам паспрабавала выкарыстаць публікацыю ў “Свободных новостях плюс”. У спэцкамэндатуры грамадзкую дзейнасьць на “хіміі” лічаць парушэньнем рэжыму.
4 чэрвеня Артуру Фінькевічу адмовілі ва ўмоўна-датэрміновым вызваленьні.
У траўні 2006 году актывіста арганізацыі “Малады фронт” Артура Фінькевіча пакаралі двума гадамі абмежаваньня волі за графіці палітычнага зьместу. Ад 29 чэрвеня 2006 году ён адбывае пакараньне ў магілёўскай спэцкамэндатуры. Сёлета ў сьнежні палітвязень мае выйсьці на волю.
