Хто на новенькага? :: Хартыя'97 :: Навiны

Цяжка ўспомніць, што за гэты тыдзень адбылося важнага, але добрага. З значных падзей мінулага працоўнага тыдня на розум прыходзіць толькі арышт трох кіраўнікоў ЗАТ СП «Эмір Мотарс» – афіцыйнага дылера японскага аўтамабільнага канцэрна «Таёта», а таксама прызнанне факту арышту і прад`яўлення абвінавачвання ў махлярстве намесніку начальніку ідэалагічнага ўпраўлення Адміністрацыі прэзідэнта, сябру Цэнтрвыбаркама. А можа, у пятніцу, 13-га, гэта – самыя прыдатныя тэмы для абмеркавання?

«Ежедневник» прыводзіць меркаванні беларусаў, сабраныя, па ўсёй бачнасці, з Інтэрнэт-форумаў.

Al-07

А ён жа (супрацоўнік Адміністрацыі прэзідэнта) так пераканаўча і красамоўна казаў пра выгоду народную, пра сваю працу ў поце твару дзеля пабудовы «дзяржавы для народа». Ён спрабаваў упэўніць усіх нас у тым, што менавіта гэта сацыяльна арыентаваная дзяржава стварыла ўсе ўмовы для росквіту творчай ініцыятывы людзей, што заўтра мы будзем жыць яшчэ лепш, чым сёння, што з кожным днём багацей становіцца краіна і яе «лепшыя» прадстаўнікі, што пад кіраўніцтвам самага сумленнага прэзідэнта мы даможамся яшчэ вялікіх поспехаў, станем яшчэ шчаслівей і багацей. Ён быў у першых шэрагах «настаўнікаў» нашага народа, паказваў і распавядаў нам, як трэба жыць і працаваць...

На жаль, ёсць такія краіны на планеце, дзе гавораць адно, думаюць другое, а робяць трэцяе. Праўда, часам сёй-той трапляе праз гэта на нары.

Вясковец

Супрацоўніку адміністрацыі Лукашэнкі прад`яўленае абвінавачванне… У Менску арыштаваныя трое кіраўнікоў прадпрыемства. Гэта толькі за адзін тыдзень. Кармушка, здаецца, надоўга да сабе не падпускае.

sssss_aaa

Можа, гэтыя трое з «Эмір Мотарс» пагарэлі на дачы хабару супрацоўніку Адміністрацыі прэзідэнта?

PRISRAK

Хутка з`явяцца службоўцы на канфіскаваных «Таётах».

Gomelregion

Добра, адкрыю ўсім вам страшную тайну пра прычыны арышту кіраўнікоў «Эмір-Мотарс»: ключавое слова «Саманд». Дастаткова?

Баран

Практычна няма ніводнага дня, каб у беларускіх навінах не з`яўляліся загалоўкі: Арыштаваны... Затрыманы... Прысуджаны... І краіна накшталт як невялікая, а адно «вар’ё» і «жулікі». Нават у Адміністрацыі (страшна падумаць) прэзідэнта, у фарпосце сумленнасці і прыстойнасці.

САВЕЦКІ ВЫВЕДНІК

Усё заканамерна. Узровень карупцыі адваротна прапарцыйны дабрабыту грамадства. Гэта закон. Хутка пасадкі спыняцца, бо саджаць праваахоўным органам стане эканамічна немэтазгодна.

eagle1000

Пэўна, усё-ткі тое месца, дзе хлопцы пабудавалі свой «Таёта-цэнтр Менск», спадабалася яшчэ камусьці. Не павезла, бывае. А ўвогуле, неяк няправільна інфармацыя падносіцца. Што гэта за фраза незразумелая: арыштавалі трох кіраўнікоў?

Трэба было прама напісаць: папрасілі траіх адказных кіраўнікоў ЗАТ СП «Эмір Мотарс» пасядзець і падумаць аб жыцці ў ізалятары часовага ўтрымання. Думаю, адкупяцца, ды і што яны там такога маглі нарабіць сур`ёзнага з сваімі машынамі. Не будуць жа такія паважаныя людзі за якое-небудзь глупства сядзець у турме. Гэта ж не Бароўскі з «Белнафтахімам». Тут трэба проста падзяліцца.

Аднак пракурор генеральны ў нас дзіўны. Кіраўнікі такога узроўню (найбуйнейшы аўтацэнтр) – і адразу ў кутузку, ды яшчэ і трубяць на ўсю краіну, што іх арыштавалі. Хто ж з вамі пасля гэтага бізнэс рабіць будзе?

Voices

У СІЗА кіраўнікоў «Эмір Мотарс» правялі проста з працы ў наручніках, зняўшы ўсё гэта добра на камеру для «Зоны Ікс». Іх трое – мужчына і дзве жанчыны. А справу раскапалі аж за 2002 год. Такім чынам, робім стаўкі: «Каму дастанецца адзін з лепшых аўтамабільных цэнтраў краіны, які цяпер знаходзіцца на першым месцы па продажах аўтамабіляў?»

Urii_81

Вы яшчэ не зразумелі? Гэта для «Самандаў» і для кітайскіх капсул смерці канкурэнтаў прыбіраюць. Ідзе перадзел рынку.

Да-7

За кім прыйдуць заўтра?